Matebeleland Pulse Cultural Desk
Ilobola ngelinye lamasiko aqakathekileyo esintwini, ikakhulu emazweni amanengi eAfrica. Kodwa namuhla abantu abanengi, ikakhulu intsha, liyazibuza ukuthi : “Ilobola kuyini sibili?”
Abanye bacabanga ukuthi ilobola yindlela yokuthenga abafazi. Kodwa ngokwesiko lesintu lokhu akusilo iqiniso. Ilobola yindlela yokutshengisa inhlonipho ebazalini bentombi kanye lokuhlanganisa imuli ezimbili.
Kudala, umkhwenyana wayengazihambeli yedwa ukuyacela intombi. Wayethuma idombo lakhe ukuthi liyekhuluma labazali bentombi ngenhlonipho enkulu. Lokhu kwakutshengisa ukuthi umendo wawungowemuli zombili, hatshi abantu ababili kuphela.
Ngaleso sikhathi, ilobola lalivame ukukhitshwa ngezinkomo ngoba inkomo zaziyimpahla eqakathekileyo empilweni zabantu. Kodwa okwakuqakathekile kwakungesizo izinkomo kuphela — kwakuyisibonakaliso sobudlelwano phakathi kwemuli.
Lanxa namuhla abantu abanengi sebekhipha ilobola ngemali, inhloso yesiko ihlala ifana: ukuhlanganisa imuli kanye lokwakha ubudlelwano obuhle.
